កម្លាំងសមត្ថកិច្ចឃាត់ខ្លួនជនសង្ស័យបានចំនួន ០៥នាក់ នៅខណ្ឌមានជ័យ រាជធានីភ្នំពេញ

ក្រោមការដឹកនាំរបស់លោក សេង គន្ធ អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាព នៅថ្ងៃទី០៣ ខែមេសា ឆ្នាំ២០២៥ បានបញ្ជាអោយលោកចៅសង្កាត់ស្ទឹងមានជ័យទី៣  និងលោកនាយប៉ុស្តិ៍នគរបាលរដ្ឋបាល រួមទាំងកម្លាំងសណ្តាប់ធ្នាប់ខណ្ឌ បានដឹកនាំកម្លាំងចុះបង្រ្កាបទីតាំង ល្បែងស៊ីសងខុសច្បាប់ «ឡូតូ8888» និងល្បែងស៉ីសងមាន់ជល់អនឡាញ ស្ថិតនៅភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

ក្នុងកិច្ចប្រតិបត្តិការបង្ក្រាបនោះ បានឃាត់ខ្លួនជនសង្ស័យបានចំនួន០៥នាក់ ក្នុងនោះភេទស្រី ០២នាក់ រួមទាំងដកហូតបានវត្ថុតាងមួយចំនួន រួមមាន៖  ទូរស័ព្ទ ០៤គ្រឿង កុំព្យូទ័រ ០១គ្រឿង IPad ០១គ្រឿង ម៉ូតូ ចំនួន០៣គ្រឿង។

សម្ភារៈពាក់ព័ន្ធនឹងឡូតូ និងល្បែងស៉ីសងមាន់ជល់អនឡាញខាងលើ ត្រូវបានកម្លាំងគណៈបញ្ជាការឯកភាព នៃរដ្ឋបាលខណ្ឌមានជ័យ បានយកទៅរក្សាទុកនៅសាលាខណ្ឌមានជ័យជាបណ្ដោះអាសន្ន ដោយឡែកជនសង្ស័យដែលបានឃាត់ខ្លួនខាងលើ បានបញ្ជូនទៅប៉ុស្តិ៍នគរបាលសង្កាត់ស្ទឹងមានជ័យទី៣ ដើម្បីមានចំណាត់ការតាមនីតិវិធីច្បាប់៕