ឯកឧត្តម អ៊ុន ចាន់ដា អភិបាលខេត្តកំពង់ចាម ចុះពិនិត្យវឌ្ឍនភាព ការស្ថាបនាផ្លូវបេតុងមួយខ្សែ ក្នុងស្រុកកងមាស

ខេត្តកំពង់ចាម៖ អភិបាលខេត្តកំពង់ចាម ឯកឧត្តម អ៊ុន ចាន់ដា នៅថ្ងៃទី ៣០ខែមីនាឆ្នាំ ២០២៥ បានដឹកនាំក្រុមការងារមន្ត្រីពាក់ព័ន្ធចុះពិនិត្យវឌ្ឍនភាពការសាងសង់ផ្លូវបេតុង ១ខ្សែ ស្ថិតក្នុងភូមិបឹងត្រាវ ឃុំរាយប៉ាយ ស្រុកកងមាស ខេត្តកំពង់ចាម។

មន្ត្រីរដ្ឋបាលស្រុកកងមាសបានឲ្យដឹងថា ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំមន្រ្តីបច្ចេកទេស និងអាជ្ញាធរពាក់ព័ន្ធ ចុះពិនិត្យសកម្មភាពគ្រឿងចក្រឈូសឆាយស្ថាបនាផ្លូវទៅជាបេតុងប្រវែង១,៣៥០ម៉ែត្រ លើប្រវែងផ្លូវសរុប ៦,៤០០ម៉ែត្រ ស្ថិតក្នុងភូមិបឹងត្រាវ ឃុំរាយប៉ាយ ស្រុកកងមាស ខេត្តកំពង់ចាម អនុវត្តន៍ដោយកងវិស្វកម្ម ១៧៩ ថវិកាជំពូក២១ នាយកដ្ឋានផ្លូវលំនៃក្រសួងអភិវឌ្ឍន៍ជនបទ៕