ភ្លើងឆេះព្រៃនៅកូរ៉េខាងត្បូង បានឆក់យកជីវិតមនុស្សជាច្រើននាក់ និងបានដុតបំផ្លាញព្រៃអស់ ប្រមាណ ៤ម៉ឺន៨ពាន់ ហិកតា

គិតមកត្រឹមថ្ងៃអាទិត្យ ទី៣០ មីនា ភ្លើងឆេះព្រៃនៅភាគអាគ្នេយ៍ប្រទេសកូរ៉េខាងត្បូង ដែលបានឆាបឆេះកាលពីថ្ងៃសៅរ៍ ទី២២ មីនា បានសម្លាប់ឆក់យកជីវិតអស់ប្រមាណ ៣០នាក់ និង ដុតបំផ្លាញផ្ទះសម្បែងជាច្រើនសិបខ្នង រួមទាំងសំណង់បុរាណមួយចំនួន។

អាជ្ញាធរមូលដ្ឋានកូរ៉េខាងត្បូង បានបើកការស៊ើបអង្កេតជាបឋម និងបានសង្ស័យលើបុរសជនជាតិកូរ៉េខាងត្បូងម្នាក់ អាយុ ៥៦ឆ្នាំ ថាជាអ្នកបង្កគ្រោះមហន្តរាយនេះ ពីព្រោះភ្លើងបានឆាបឆេះចេញពីផ្នូរដូនតារបស់គាត់ ដែលស្ថិតភាគអាគ្នេយ៍នៃប្រទេសកូរ៉េខាងត្បូង។ បើយោងតាមសារព័ត៌មានក្នុងស្រុក កូនស្រីរបស់ជនសង្ស័យរូបនេះបានប្រាប់ក្រុមអ្នកស៊ើបអង្កេតថា ឳពុករបស់គាត់បានដុតមែកឈើធ្លាក់នៅផ្នូរដូនតា ទើបភ្លើងអាចរាលដាលដល់ព្រៃនៅក្បែរនោះ៕